من الحاجات اللي مش بتبطل تبهرني في الناس هي الناس اللي مش بتتنازل خالص! عايزين كل اللي حواليهم يتنازلوا عشانهم وهما قاعدين مكانهم، عايشين بمنطق إن الطرف التاني هو اللي المفروض ييجي على نفسه دايماً، وإن أي تنازل من ناحيتهم هما يعتبر خسارة أو تنازل عن صورة وهمية لبرستيجهم بيحموها.
وغالباً مش بيكونوا مدركين أصلاً حجم التنازلات اللي قدامهم بيقدموها، لأنهم بيتعاملوا مع ده على إنه "الوضع الطبيعي" اللي المفروض يحصل عشان يرضوا.
المشكلة الكبيرة إنهم بيسموا التنازل 'ضعف وبيسموا الأنانية والجحود شخصية قوية وبرستيج هما مش فاهمين إن العلاقة اللي بتمشي في اتجاه واحد هي علاقة محكوم عليها بالإعدام، وإن رصيد أي شخص بيبتدي يخلص لما يحس إنه مستباح.🤍
التعليقات1
المشكلة الكبيرة إنهم بيسموا التنازل 'ضعف وبيسموا الأنانية والجحود شخصية قوية وبرستيج هما مش فاهمين إن العلاقة اللي بتمشي في اتجاه واحد هي علاقة محكوم عليها بالإعدام، وإن رصيد أي شخص بيبتدي يخلص لما يحس إنه مستباح.🤍