ما شكينا لا خلاف ولا مذله
ترسل رصاصه ونرسلك قذيفه
انطلق يا سرب تحت رعاية اللّٰه
خل ضرباتك على راس الهديفه
شب لين تشيل راسه من محله
اشعل البارود لين يروح جيفه
الجبل لازم على راسه نهله
خلها مثل اللهب قاع وحتيفه
أمنين وفي ديارنا نحمد اللّٰه
ما تزعزعنا هل الأريا الضعيفه
السعودي ما يخاف إلا من اللّٰه
والسعودية مناسبها عفيفه
دونها العوجا على مذهب ومله
عزوة وطياتهم دايم كليفه
ودونها سور يضل الشعب ضله
الدخيل يزبنه والضيف ضيفه
الملك سلمان للإسلام كله
رايته بيضا وهقواته منيفه
الصعيب يكود لين أنه يحله
والسيوف تعد لين يسل سيفه
التعليقات
لا توجد ردود بعد. أغلق الكاتب الردود على سطوره