لدّي النظر يا أم العيون إللي نهايتها إحتلال
ملامحك لا شافها المخطي يبادر بالعذر
أنتي اليقين الراسخ اللي ما يشوبه إحتمال
وأنتي الثواب اللي تجلى لي بعد شدّة صبر
من حقّق اللّٰه حلمه ونالك رغم أنف المحال
يستاهل يعيش الحياه وبداخله نشوة نصر
يامترفه — كل الكلام إللي على البال إرتجال
ما ضاعت علومي ولكن يوم شفتك ؟ أنهمر
في ذمتك أنتي قصيدة صافحت كفّ الخيال
ولا قصيدة صادقه خلقَت على هيئة بشر
منطوقك العذب المعتّق فيه من وجهك خصال
كنّ القصيد مقاسمك نصف العذوبة و السحر
وجهك غواية للهدى ؟ مدري هداية للضلال
محتار فيك إنسان ما قد حار بين أمر وأمر
يا غاية السائل ويا أعذب إجابات السؤال
تدرين بإن الشعر في حضرة جنابك منتصر ؟
التعليقات
لا توجد تعليقات بعد — كن أوّل من يعلّق.