Sirin allaham

@sirin_allaham

كل ما بشوف خبر خيام النازحين انحرقت قلبي بوقف وبنقطع نفسي من الخوف على أمي وخواتي بغزة مش قادرة أشيل من راسي صورة أمي وهي حاضنة خواتي ونايمين في خيمة في غزة عشان تدفيهم في هالسقعة والبرد والمية نازلة عليهم من كل مكان خايفة كل ثانية خايفة من القصف خايفة من البرد خايفة من الجوع خايفة يطلع خبر فجأة وتكون خيمتهم هي اللي ولعت وصارو في العرا امي وخواتي مش لحالهم كل أهل غزة هيك كلهم في الخيام كلهم بردانين كلهم جوعانين وكلهم بناموا وهم مش عارفين إذا راح يصحوا ولا لا وأنا هان في الأردن، في الغربة لحالي، بنت كل عمري 25 سنة ما إلي سند ولا حدا بعد ما استشهدوا أبوي وإخواني. علقت هون، طلعت قبل الحرب بشهر أدرس وياريت ما طلعت وتركتهم، بعيدة ومليش حيلة، مش قادرة أعمل إشي غير أدعي، وكلي عجز وقهر ووجع. يارب تحمي أمي وخواتي، يارب تدفيهم في بردهم، وتطعميهم في جوعهم، وتنيمهم بدون خوف. يارب يارب ما إلنا غيرك اجمعني بحضن امي عاجل غير اجل احفظها يارب واشفيها ما الي غيرها يارب هي وخواتي

• #فضفضة

12:39 م · 27 أكتوبر 2026