أنا بتمنى أقابل بنت تكون جميلة بروحها قبل شكلها، وطيبة بقلبها قبل أي حاجة ❤️ بنت تكون جدعة وأصيلة، وتعرف يعني إيه حب واهتمام واحتواء. تكون صريحة معايا، مفيش بينا كدب ولا غموض ولا تمثيل. تكون سند ليا في وقت تعبي قبل فرحتي، وأكون ليها الأمان والسند في كل وقت. بنت تحترمني وتقدر وجودي في حياتها، وتخاف على زعلي زي ما بخاف على زعلها. تكون بسيطة ومتواضعة، وقلبها أبيض ومبتحبش المشاكل ولا اللف والدوران. نفهم بعض من غير كلام كتير، ونختلف من غير ما نجرح بعض. تكون عايزة نبني مستقبلنا سوا، ونكبر مع بعض ونواجه الدنيا إيد واحدة. 🫶🏻 مش بدور على بنت كاملة، لأن مفيش حد كامل، أنا بدور على بنت تكون حقيقية ومخلصة في مشاعرها. نفسي ألاقي واحدة أكون بالنسبالها الاختيار الأول، وتكون هي بالنسبالي أجمل نصيب وأحلى صدفة في الدنيا. ❤️✨
التعليقات
لا توجد تعليقات بعد — كن أوّل من يعلّق.