αℓαα αв∂αℓℓα

@alaa_abdallah0

أحيانًا بسأل نفسي سؤال بخوفني جدًا: هل ممكن أكون يومًا سبب وجع أو شقاء لزول؟ لأنو أنا ما دايرة أكون الشخص البخلي غيرو ينام وقلبو تقيل بسببو…ولا دايرة أكون ذكرى مؤلمة في حياة زول، ولا موقف يتمنى لو ما حصل. أنا بطبعي بحب اللين،وبحاول مهما كانت الدنيا قاسية معاي، ما أخلي قسوتها تغيّرني.بحاول أكون هينه،خفيفه،طيبه في حضوري وكلامي،وأراعي مشاعر الناس حتى في الحاجات البسيطة. لأنو يمكن كلمة منك ما تعني ليك حاجة…لكن عند زول تاني ممكن تكون سبب إنو م يكمل يومو.يمكن موقف بسيط منك يفرق مع إنسان،وقفة صادقة،رسالة في وقتها،سؤال عن الحال،أو حتى ابتسامة جات في لحظة كان محتاج فيها يحس إنو لسه في خير في الدنيا. نحن ما بنقدر نغيّر حياة كل الناس،ولا نقدر نشيل وجع الدنيا من قلوبهم…لكن بنقدر، على الأقل،ما نكون جزء من الوجع.ونقدر نخلي مرورنا في حياة الناس خفيف وجميل…نجي بالطمأنينة، ونمشي ونخلي أثر طيب. يمكن ما نتذكر المواقف الصغيرة البنعملها،لكن في زول ممكن يفضل فاكرها سنين. وعشان كده…يا رب اجعلني خفيفًة على قلوب الناس،واجعل حضوري راحة،وكلامي طيب،وقربي أمان،وأثري جميل.

• #فضفضة

11:10 م · 29 أكتوبر 2026