єηg.αℓαα αв∂αℓℓα

@alaa_abdallah0

عمري ما سبت زول إلا وأنا متأكدة إنو المكان ما مكاني ومن أكبر النعم البشكر ربنا عليها كل يوم إنو رزقني راحة البال وقلب بعرف متين يكتفي ومتين يمشي أنا ما شخصية شديدة ولا قلبي حجر لكن بعرف قيمة نفسي كويس وما بقدر أفرض وجودي على زول ولا أتمسك بمكان ما مكاني . مهما كانت العشرة ومهما كانت المحبة عندي قناعة إنو الحاجة البتتعب روحي ما مفروض أواصل فيها وإنو السلام النفسي أغلى من أي علاقة وأي شخص عمري ما أذيت زول عن قصد ولا يوم تمنيت الشر لزول ولا مشيت من حياة زول إلا وأنا متأكدة إنو ده ما المكان البناسبني ما بقدر أنوم وأنا زعلانة من زول بحبو ولا بعرف أطنش وأقول بكرة نتفاهم لأنو قلبي ما بحب يشيل فيهو حاجة لكن برضو ما بسمح لزول يستغل طيبة قلبي أو يفتكر إنو التسامح ضعف أنا ممكن أدي فرص كتيرة وأسامح وأتجاوز لكن لما أوصل لمرحلة الاكتفاء بكون خلاص ما في رجعة اتعلمت إنو ما كل زول بنحبو لازم يكون من نصيبنا وما كل حاجة بنتمناها بتكون خير لينا وإنو مرات ربنا ببعد مننا ناس كنا فاكرنهم أجمل أقدارنا عشان يورينا إنو الخير الحقيقي كان في البعد منهم

6:14 م · 3 نوفمبر 2026