فمان الذكريات الي بتملى عمرك اللي جاي
فمان أحلى عمر عشته معاك إن كان ما تدري
فمان الصبح ودروب الأماني يوم أنا دعواي
"عسى الله لا يفرقنا ولا يمحيك من ذكري"
فمان الليل وأحلام الوصال وبالك النسّاي
وسواليف السهر وعتابك الي يتبعه عذري
فمان البعد وأحزان الأغاني واشتياق الناي
فمان الشعر لامنّي فقدتك وانتهى صبري
مع الأيام تستوعب خساره مثلي وشرواي
أنا اللي لا رحلت تبيّن الدنيا كبر قدري
فمان جروحك الي ما تركت حلّ ٍ يحل بقاي
فمان الله يا أعذب طعنةٍ مركوزه بصدري
التعليقات
لا توجد تعليقات بعد — كن أوّل من يعلّق.