يا ريتني ما صدّقت الوعود
ده أنا كنت معتبرَاك حبيب
ليه بقيت بالنسبالي غريب؟
كنت بحلم بحلم بسيط
فجأة لقيت الطريق مسدود
كنت بقول بكرة تحس
وأفضل أستنى منك سؤال
وأنت بتعدّي بالأيام
وأنا عمالة أحطلك أعذار.
وأنت ولا سألت في يوم
أنا وصلت لإيه من الوجع
كنت فاكرة غيابك ظروف
طلع قلبي هو اللي اتخدع
أنا اللي كنت بخاف عليك
وأنت ما خفتش يوم عليّا
أنا اللي كنت بحسبك ليا
وأنت كنت بتنسحب من إيديا. 🥀
التعليقات
لا توجد تعليقات بعد — كن أوّل من يعلّق.