ما تزعل على الحاجة الفاتتك، وما تخلي قلبك يوقف في محطة انتهت. أحيانًا بنفتكر إنو الحاجة الضاعت كانت أحسن حاجة في حياتنا، لكن الأيام بتثبت لينا إنو ربنا كان شايل لينا نصيب أجمل وأفضل. كل باب اتقفل كان وراه حكمة، وكل دمعة نزلت كان وراها فرج جاي في الطريق. الحياة ما بتقف عند خسارة ولا عند موقف وجعنا، بالعكس مرات الوجع زاتو بكون بداية لقوة جديدة ما كنا عارفنها جواتنا.
خلي ثقتك في ربنا كبيرة، لأنو الكريم ما بياخد منك حاجة إلا وبيعوضك بحاجة أحسن منها في الوقت المناسب. يمكن الليلة إنت شايف الصورة ناقصة ومليانة أسئلة، لكن بعد فترة حتنظر ورا وتعرف إنو كل حاجة حصلت كانت بترتب ليك طريق أجمل مما كنتِ متخيل.
ابتسم، وارفع راسك، وواصل طريقك. ما تحمل هم الأمس أكتر من اللازم، لأنو الأمس انتهى وما بتغير، لكن بكرة لسه مليان فرص وأحلام وأيام حلوة منتظراك. خلي أملك أكبر من حزنك، وإيمانك أكبر من خوفك، واتذكر دائمًا إنو بعد كل ضيق في سعة، وبعد كل عسر في يسر.
الجميل لسه ما جا، والفرحة البتستاهلها لسه في طريقها ليك بإذن الله. فما تزعل على الفات، لأنو الجاي بإذن الله أحلى، وأجمل، وأقرب لقلبك مما تتخيل "🩶
التعليقات
لا توجد تعليقات بعد — كن أوّل من يعلّق.